Nisur nga ankimimi që Partia Demokratike, drejtuar nga Enkelejd Alibeaj ka bërë për vendimin e Komisionerit Shtetëror të Zgjedhjeve Ilirjan Celibashi, duke kërkuar që në fletën e votimit të vendoset emri Ilir Metës si drejtues i koalicionit “Bashkë Fitojmë”, juristi Redi Ramaj shprehet se ka Kodi Zgjedhor lë hapësira për interpretim.
I ftuar në emisionin ‘Sot Live në Shqipëri’, të gazetarit Nertil Agalliu në Report Tv juristi dhe avokati Redi Ramaj, e cilësoi unik rastin e Partisë Demokratike, kjo për faktin se e gjithë situata që është krijuar ka bërë që pjesa më e madhe të mos kandidojë nën emrin dhe logon e partisë por e ndarë në koalicion edhe në kandidim me parti të tjera parlamentare, siç është rasti i grupit të Berishës me Partinë e Lirisë.
Gjithashtu ai theksoi se kjo praktikë e KQZ nuk ka precedent më parë.
“Rasti është specifik për vetë faktin se në praktikën e KQZ së kjo nuk ka ndodhur kurrë më parë, pasi rregulli i përgjithshëm në çdo zgjedhje është që në fletë të vendoset emri i kryetarit të partisë ose i partisë më të madhe dhe rrjedhimisht edhe në fletën e votimeve të këtyre zgjedhjeve duhet të ishte emri i kryetarit të partisë Bashkë Fitojmë”, tha ai.
E teksa foli për vendimin Komisionerit Shtetëror të Zgjedhjeve Ilirjan Celibashi, i cili e ka lënë në zgjedhjen e lirë të partive nëse duan të dalin me emrin e kryetarit në fletën e voitimit Ramaj tha se interpretimi i Celibashit por duhet bërë një interpretim më i zgjedhuar, nëse do të vendoset që koalicioni Berisha Meta të figurojë pa emrin e kryetarit në fletën e votimit.
“Rregull i përgjithshëm në zgjedhjet e mëparshme dhe në çdo zgjedhje është transparenca e të dhënave të partisë në fletën e votimit, e cila bëhet për të qenë në rregull me zgjedhësit, që çdo njeri të identifikojë më lehtë partinë e tij, pra është e drejtë e zgjedhësve”, u shpreh në Report Tv avokati
Më tej ai shtoi se përfaqësuesit e partisë së Alibeajt kërkojnë që PD të identifikohet me inicialet, logon dhe emrin e PD së sepse duan të maksimizojnë votat, pra e bëjnë në interesin e tyre politik.
Sa i përket vendimit avokati tha se ka mundësi për ndryshim, pra të shtohet emri i kryetarit të bashkë fitojmë ose do hiqen të gjithë emrat e kryetarëve të tjerë
