Prokurori Luan Kaloçi

Kronikë
Top 24

Ankimoi vendimin për shkarkimin nga detyra, KPA cakton trupën gjykuese për çështjen e Luan Kaloçit

Caktohet trupi gjykues që do të shqyrtojë ankimin e vendimit të Komisionit të Pavarur të Kualifikimit për Prokurorin e Prokurorisë së Apelit të Tiranës, Luan Kaloçi.

6 Shtator 2018, 18:46| Përditesimi: 6 Shtator 2018, 18:56

  • Share

TIRANË- Kolegji i Posaçëm i Apelimit (KPA) ka bërë publike ditën e sotme trupën gjykuese që do trajtojë ankimin e prokuronit Luan Kaloçi, pas shkarkimit nga detyra nga KPK. Trupi gjykues për çështjen e Kaloçit u caktua me short.

Ndërsa kryesuese e trupës është caktuar Rezarta Schuetz, relatore e ankimimit të Kaloçit për KPK, Natasha Mulaj. Kujtojmë se Luan Kaloçi, prokuror në Apelin e Tiranës u shkarkua nga detyra pak kohë më parë, pasi u konstatuan probleme me pasurinë.

Njoftimi i KPA:

Në Kolegjin e Posaçëm të Apelimit është regjistruar çështja (JR) Nr. 11/2018, datë 03.09.2018 që i përket ankimit të subjektit të rivlerësimit z.Luan Kaloçi kundër vendimit nr. 33 datë 05.07.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit z. Luan Kaloçi.

Sot, në datën 06.09.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:

Kryesues: Rezarta Schuetz
Relator: Natasha Mulaj
Anëtarë: Ardian Hajdari, Ina Rama, Luan Daci.

Komento

Komente

  • Sondazhi i ditës:

    Produkte me pesticide, sa besim keni te siguria ushqimore në Shqipëri?