LONDËR, Angli - Klubi i West Ham United ka thënë se mendimet dhe lutjet e tyre janë me Michail Antonio pasi konfirmuan se sulmuesi ishte përfshirë në një aksident të rëndë me makinë të shtunën. Ata thanë se sulmuesi xhamajkan ndodhet në gjendje të stabilizuar dhe ka filluar të komunikojë
Klubi lëshoi një përditësim pasi imazhe të ndryshme qarkulluan në mediat sociale të një Ferrari të shkatërruar. Automjeti kishte pësuar dëmtime të mëdha dhe kishte raporte të pakonfirmuara se Antonio u transportua me helikopter në spital.
Një zëdhënës i klubit tha: “West Ham United mund të konfirmojë se sulmuesi Michail Antonio është përfshirë sot në një aksident trafiku rrugor. Mendimet dhe lutjet e të gjithëve në klub janë me Michail, familjen dhe miqtë e tij në këtë kohë. Klubi do të nxjerrë një përditësim në kohën e duhur.”
Më pas, klubi anglez konfirmoi se sulmuesi xhamajkan ndodhet në gjendje të stabilizuar dhe ka filluar të komunikojë, teksa ndodhet ende nën kujdesin e mjekëve në spitalin qëndror të Londrës.
Kjo është hera e dytë që Antonio përfshihet në aksidente të rënda automobilistike, pasi i kishte ndodhur një gjë e ngjashme në ditën e Krishtlindjeve në vitin 2019 kur kishte përplasur makinën e tij Lamborghini në murin e një banese.
Antonio iu bashkua West Hamit në 2015 dhe ka qenë prej kohësh i preferuari i tifozëve. 34-vjeçari ka luajtur në një sërë pozicionesh dhe në vitin 2023 ai ndihmoi klubin të fitonte Ligën e Konferencës. West Ham do të luajë në shtëpi ndaj Wolves në Premier League të hënën mbrëma.
Club Statement
— West Ham United (@WestHam) December 7, 2024
West Ham United can confirm striker Michail Antonio has today been involved in a road traffic accident.
The thoughts and prayers of everyone at the Club are with Michail, his family and friends at this time.
The Club will issue an update in due course. pic.twitter.com/v3ZNyR80fd
Komente
