Mesfushori i Interit, Nicolo Barella ka pësuar një dëmtim në derbin e humbur 1-2 kundër Milanit dhe pritet të mungojë për të paktën tre ndeshje. Sipas gazetarit të njohur italian, Matteo Barzaghi, Barella nuk mori pjesë në seancën e djeshme të mëngjesit për shkak të disa shqetësimeve pas derbit.
"Nicolo Barella iu nënshtrua testeve klinike instrumentale në Institutin Humanitas në Rozzano. Për mesfushorin, një tendosje e muskujve të kofshës së djathtë. Gjendja e tij do të rivlerësohet javën e ardhshme”, njofton Interi.
Një dëmtim që mund ta mbajë jashtë fushës për të paktën tre javë. Ai duhet të shihet përsëri në fushë pas pushimit ndërkombëtar të tetorit. Lajm i keq për Simone Inzaghin, edhe sepse fillimisht u duk se ishte një lodhje e thjeshtë.
Komente
