TIRANE-Drejtoria e Përgjithshme e Tatimeve dhe Drejtoria e Përgjithshme e Metrologjisë kanë përfunduar kontrollin për të certifikuar regjimin automatik në të gjitha pikat e karburantit në vend në zbatim të planit operacional anti-informalitet “Pa kupon s’ka karburant”. Përgjatë muajve gusht dhe shtator u realizua kontrolli dhe vendosja e regjimit automatik në të 1117 subjektet që tregtojnë hidrokarbure dhe gaz të lëngshëm në të gjithë Shqipërinë, thotë Drejtoria e Tatimeve.
Në të gjitha këto subjekte janë vendosur 2176 regjime automatike të instrumenteve matës, ligjërisht të kontrolluar, ndërsa u konstatuan 15 shkelje të legjislacionit tatimor. “Kemi mbuluar me kontrolle të gjithë territorin e vendit, duke siguruar që pompat të jenë në regjim automatik, duke certifikuar me plumbçe, secilën prej tyre” – tha Drejtoresha e Përgjithshme e DPT, Delina Ibrahimaj, ndërsa ndoqi nga afër njërin prej inspektimeve në Tiranë.
Delina Ibrahimaj theksoi se tashmë kontrollet do të vijojnë për të monitoruar respektimin e ligjit edhe tek subjektet që janë konsumatorë të mëdhenj të karburantit. "DPT do të vijojë kontrollin në subjektet, që janë konsumatorët më të mëdhenj të karburantit, për të garantuar ligjshmërinë e veprimeve të tyre, si edhe rikontroll në subjektet e certifikuara tashmë ligjërisht në regjim manual" thonë Tatimet.
Por cilët bëjnë pjesë në këtë kategori? Te konsumatorët e mëdhenj janë flotat detare, firmat e ndërtimit, por edhe kompani të tjera të mëdha që e përdorin shumë karburantin. Për shembull, firmat e mëdha të ndërtimit që blejnë karburant dhe i furnizojnë vetë mjetet e tyre do të jenë subjekt i kontrollit për të parë nëse janë në rregull, pra që hyrjet dhe daljet rakordojnë dhe që nuk e blejnë karburantin për qëllime tregtare, por për nevojat e tyre.
“Konsumatorë të mëdhenj” janë kompanitë që konsumojnë për nevojat e veta nënproduktet e naftës në një sasi jo më pak se 50 m3 në muaj dhe që posedojnë instalime depozitimi të këtyre produkteve. Drejtoria e Përgjithshme e Tatimeve në fund ka edhe një apel për të gjithë subjektet që të vetëdeklarohen në përmbushje, ndërsa respektimi i ligjit mbetet detyrim për të gjithë.
Komente
Mu deri tash nuk me ka dhane kush skontrino fiscale. Ata ma te ndershmit me kane pyetur-A don me ta dhane kuponin apo jo? kur normalusht duhet te ma japin para se paguaj.
PërgjigjuPer ato tatimpagusit e medhenj qe ftoi Kryeministri e ke fjalen? Ato do kontrolloni? Tallni b*then pse jo. Nga 2000 kontrolle 15 shkelje...
PërgjigjuLesh me qime. Sapo mora karburant ne nje emer te njohur. Asnje fature nuk nxori paisja dhe as nuk me dha fature.
Përgjigju