Rrezikun që SPAK të shkojë në “vetëkënaqje” dhe të abuzojë me pushtetin e pavarësinë që i është dhënë, njësoj si kryeministri Edi Rama së fundmi, e ka evidentuar edhe Komisioni i Posaçëm antikorrupsion, apo i njohur ndryshe si “Xhafaj 2”.
“Kush e kontrollon kontrollorin? Një problem që kemi në gjithë këtë mekanizëm është se kemi një sërë strukturash investigative kontrolluese, por ku japin këto llogari, kush i kontrollon? Dhe si mund ta realizojmë ne këtë gjë Jam dakord me risitë që sillni, i keni dhënë me alternative dhe do t’i diskutojmë?”, tha Xhafaj në fjalën e tij mes të tjerash.
Ekspertët e kanë propozuar ngritjen e një komisioni të përhershëm parlamentar në Kuvend, që do të kryejë monitorimin e një sërë institucionesh e strukturash, përfshirë SPAK.
Komisioni, siç rekomandohet në draftin analitik të hartuar nga ekspertët e të miratuar nga anëtarët e “Antikorrupsionit”, do të vendosë sanksione në rast mospërmbushje të angazhimeve të marra nga institucionet.
Ardita Seknaj, eksperte në Komisionin e Posaçëm Antikorrupsion, tha:
“Kemi dhënë si propozim krijimin e një komisioni të përhershëm parlamentar për antikorrupsionin dhe integritetin, i cili do ketë jo vetëm rolin e monitorimit të zbatimit të reformës, por për të ushtruar edhe rolin e mbikëqyrësit dhe monitoruesit për institucionet çka do të ndihmonte koordinimin më mirë mes institucioneve të ndryshme që kanë funksion parandalimin e korrupsionit. Kemi parashikuar edhe krijimin e një ligji të posaçëm për parandalimin e korrupsionit që përfshin për herë të parë aty edhe sektorin privat”.
Shtimi i një tjetër komisioni të përhershëm parlamentar do të kërkonte ndryshimin e rregullores së kuvendit e cila nuk kërkon shumicë të cilësuar, e mund të miratohet lehtësisht edhe pa konsensus, me vetëm 71 vota.
Ledion Shahini, ekspert për pastrimin e parave, u shpreh:
“Në çdo masë jemi përpjekur që Kuvendi të ketë një rol specifik, edhe kur Kuvendi nuk është institucion i drejtpërdrejtë, përmes komisionit të përhershëm të ketë një rol të drejtpërdrejtë tek masat. Gjithë plani i veprimit është i lidhur me rolin që do ketë në këto masa”.
Një tjetër propozim është ai i ngritjes së një institucioni si autoritet i pavarur me kompetenca parandaluese, të hetimit administrativ dhe kontrollit të përputhshmërisë në mënyrë që të shmangë mbivendosjen e kompetencave ndërmjet institucioneve dhe strukturave që trajtojnë korrupsionin.
Komente
Opa! Ja dhe Rama e beri gati komisionin t'i vere /leash/ SPAK-ut e org.te tjera te pavarura te drejtesise.Natyrisht qe Berisha ka per te bere pazar me Ramen dhe do t'a votoje me te dy duart.Dhe sigurisht ne mes,i shkreti Xhafe, mish sanduiceje mes bajraktarit te Vicidolit e beut te Surrelit e sejmen i te dyve per arsye personale.SPAK-un ka te drejte t'a kontrollojne vetem ata qe e krijuan-perendimoret,jo pashallaret orientale te politikes se ndyre shqiptare!
PërgjigjuCfare karagjozesh. Por e reja eshte qe nuk eshte me “SHIK-u” por SPAK rreziku! Nga 1991 e deri tani SHIK kerkonte “komisionim “ kuvendi-aq sa harroi kuvendi te bente nje ligj qe e detyronte kushtetuta. Projektin e kane ketu e vite me pare por gjende do ndryshojne emertese. Deputete, hetues enveriste dhe shakatore eksperte juriste pyesin: kush e kontrollon prokurorine??!! Mbase Gjykata… po ku pysin keta plehra mor aman
PërgjigjuIdiotizma me brirë, po pavarësia e pushtetve ku qëndron, këtë do e rrëzojë Kushtetuesja si antikushtetuese o injorantë. Institucionet e drejtësisë kanë institucionet e tyre ko trolluese.
PërgjigjuDDNI TI KONTROLLONI,,,SPAKUN,,SEPSE PO JU ARRESTOJNE NJE NGA NJE,,,,JU DUHENI ARRESTUAR ME QINDRA PERDITE MOR PUSHTA....MASKARENJ,,,VIDHNI POPULLIN E JUAJ.....
Përgjigju