TIRANË- Ndonëse opozita e ka bojkotuar, kryetari i Komisionit të Posaçëm ‘Antikorrupsion’ po vijon punën. Pas konstituimit, Xhafaj ka mbledhur Sekretariatit Teknik të këtij komisioni pranë Kuvendit.
Nën drejtimin e tij janë ndarë disa detyra që lidhen me punën organizative të komisionit dhe zbatimin e vendimeve që u morën në mbledhjen e parë të tij.
Sekretariati është duke përgatitur shkresat që do të dërgohen pranë institucioneve të pavarura që krijohen dhe japin llogari te Kuvendi (Avokati i Popullit; Kontrolli i Lartë i Shtetit; Komisioni i Prokurimit Publik; Inspektorati i Lartë i Deklarimit dhe Kontrollit të Pasurive dhe Konfliktit të Interesave; Autoriteti i Mbikëqyrjes Financiare; Autoriteti i Konkurrencës; Instituti i Statistikave), për të përcaktuar ekspertët dhe përfaqësuesit që do të punojnë me 3 nëngrupet e Komisionit të Posaçëm: Mirëqeverisja, Sundimi i Ligjit dhe Antikorrupsioni.
E po kështu do të ketë kërkesa zyrtare nga komisioni për organizatat e shoqërisë civile, institucionet akademike publike e private, si dhe një ftesë për organizatat ndërkombëtare për bashkëpunim, asistencë dhe ekspertizë.
SI.E./ReportTv.alKomente
ky mund ta ktheje ps ne rrugen e duhur
PërgjigjuKy esht meverte Zotni Burr
PërgjigjuPo e vertete, Nona