Pas më shumë se 6 muajsh nga hapja e tenderit 364 milionë Euro për ndërtimin e autostradës Milot-Balldre, koncesioni është anuluar zyrtarisht. Ministria e Infrastrukturës argumenton se asnjë ofertë pjesëmarrëse në garë nuk plotësonte kushtet, për këtë arsye tenderi anulohet.
Tenderi për këtë koncesion u hap në dhjetor të vitit të shkuar, vlera e të cilit ishte 364.7 milionë euro dhe kohëzgjatja 35 vite.
“Asnjë nga ofertat e paraqitura nuk përmbushin kërkesat e ftesës për procedurën konkurruese, pra nuk është dorëzuar asnjë ofertë e përshtatshme”, njofton Ministria e Infrastrukturës.
Autostrada e re me gjatësi 17 kilometra parashikohej të mbyllej deri në vitin 2028-të, por tashmë procedura e tenderimit duhet të rihapet përsëri. Kalvari i këtij koncesioni ka nisur që në vitin 2018, kur erdhi propozimi i pakërkuar për ndërtimin e kësaj autostrade, dhe prej asaj kohe ky projekt ka mbetur vetëm në fazë tenderi.
Gjurma e propozuar e rrugës “Milot-Balldre” fillon në nyjën e Milotit, ku do të lidhet me segmentet e tjera rrugore Milot-Thumanë-Kashar-Lekaj dhe me Rrugën e Kombit, dhe do të përfundojë në rrugën ekzistuese Tiranë –Shkodër, në Balldre.
Komente
Me sakte, asnje oferte nuk e ka te mjaftueshme pjesen qe do perfitojne aprovuesit e tenderit... Gjithsesi, Shkodres i duhet nje lidhje e denje, duke shmang hyrjen nga Lezha, zgjidhja me e mire do ishte nje tynel qe ta nxjerri ne Balldre
PërgjigjuDsikriminimi ndaj Shkodres vazhdon ne gjendje te lire…..
PërgjigjuKur flitet per te lidh Shkodren nuk gjendet asnje kompani
PërgjigjuHmmm,s'dashkan me e bo.
Përgjigju