Apeli i Posaçëm pranë GJKKO-së ka lënë në fuqi masën e sigurisë “arrest me burg” për ish-presidentin Ilir Meta duke rrëzuar dhe njëherë tjetër kërkesën e depozituar nga avokati mbrojtës Kujtim Çakrani.
Vendimi është marrë nga gjyqtarja Igerta Hysi.
“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Igerta Hysi, sot më datë 08.09.2025, shpalli vendimin mbi çështjen penale nr. 194 akti, datë 01.09.2025 regjistrimi, mbi ankimin e të pandehurit I.M, me objekt: “Ankim ndaj vendimit nr. 546, datë 13.08.2025, të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Zëvendësimi i masës së sigurimit personal të “Arrestit në burg”, për shtetasin I.M, akuzuar për veprat penale të “Korrupsioni pasiv i personave që ushtrojnë funksione publike”, “Falsifikim i vulave, stampave ose formularëve”, “Pastrimi i produkteve të veprës penale”.”, dhe vendosi:
- Miratimin e vendimit nr. 546, datë 13.08.2025 të Gjykatës së Posaçme të Shkallës së Parë për Korrupsionin e Krimin e Organizuar.
- Kundër vendimit lejohet rekurs në Gjykatën e Lartë, brenda 45 (dyzet e pesë) ditëve, duke filluar ky afat nga e nesërmja e njoftimit të vendimit.
U shpall në Tiranë, më datë 08.09.2025”, thuhet në vendim.
Lajm në përditësim...
Komente
