Gjykata e Posaçme e Apelit ka lënë në fuqi dënimin me 1 vit e 4 muaj burg për ish-kryebashkiakun e Hasit, Adem Lala, pasi u fajësua për akuzën e shpërdorimit të detyrës.
Megjithëse u dënua me 1 vit e 4 muaj burg, Lala nuk shkoi asnjë ditë në qeli, pasi në vendimin e lënë edhe sot në fuqi, dënimi i tij me burg është konvertuar në shërbim prove si dhe për 5 vite të mos ushtroj funksione publike.
Adem Lala u vu në hetim nga SPAK pasi sipas prokurorëve, ai u përfshi në aferën e privatzimit në mënyrë të padrejtë të një aseti publik në bashkinë Has, kohë në të cilën ishte kryetar.
Kujtojmë se Adem Lala mori mandatin e bashkisë Has në 2015.
Komento
