Gjykata Administrative e Apelit ka lënë në fuqi vendimin e KED për të s’kualifikuar nga gara për Gjykatën Kushtetuese kandidatin Shaqir Hasanaj.
Hasanaj u skualifikua nga KED, për 2 vakancat në Gjykatën Kushtetuese, në mbledhjen e fundit më 26 nëntor së bashku me Aldona Sylajn dhe Ardita Bunajn, të cilët ishin kandidatët për vakancën e shpallur nga Presidenti.
Këshilli i Emërimeve në Drejtësi e skualifikoi për herë të dytë Zhaklina Peton në një vendim të marrë më 23 nëntor pasi Gjykata Administrative e Apelit e riktheu. Vendimi nga KED u more me argumentimin se ajo kishte mangësi të një apo disa kushteve të parashikuara nga Kushtetuta dhe ligji për të qenë anëtare e Gjykatës Kushtetuese.
Kurse më 7 dhjetor Peto është rikthyer në garë nga Gjykata Administrative e Apelit. Kujtojmë se KED e përjashtoi fillimisht znj. Peto në një vendim të marrë në fillim të shtatorit.
