Pranë zyrave të Aleat në Kukës, ku aplikohet për mjetet identifikuese, ditëve të fundit është vërejtur një fluks i lartë qytetareve kuksianë, kryesisht emigrant. Mes temperaturave të larta qytetarët ankohen për orë të gjata pritje pranë zyrës së aplikimit e vetmja në qytetin e Kukësit.
Kjo situatë pritjesh sipas Drejtorit të Gjendjes Civile Shkëlqim Hoxha,vjen për shkak se kapaciteti i burimeve njerëzore është i vogël vetëm me një punonjëse si dhe shkaqeve teknike.
"Ne kemi kontaktuar me ALEAT për të shtuar numrin e operatorëve. Deri tani nuk ka pasur ngarkesë, por tani numri është i madh. Vend aplikimi për pashaporta është vetëm një në Kukës. Tani që vijnë emigrantët ka më tepër fluks. Problemet janë edhe teknik e sepse praktika e aplikimit është e ndryshme për mosha të ndryshme." tha Shkëlqim Hoxha drejtor i gjendjes civile në Bashkinë Kukës.
Gushti përkon me ardhjen e emigrantëve por edhe me skadimin e dokumenteve personale të shumë qytetarëve.
Komente
