Këtë të mërkurë, numri i aplikimeve nga diaspora që duan të votojnë përmes postës, i kaloi 54 mijë kërkesa. KQZ ka përpunuar gati 90 % të tyre, dhe gjatë këtij procesi, ka refuzuar më shumë se 17 mijë kërkesa, ose 1 në 3 individë.
Emigrantët po vazhdojnë të gabojnë në aplikime, duke mos ngarkuar saktë një dokument që përmban adresën e saktë të banimit të tyre jashtë vendit.
Deri më tani, 30 mijë shqiptarë të diasporës ja kanë dalë ta kryejnë me sukses këtë proces, duke u hequr nga lista e zgjedhësve këtu në Shqipëri, e duke kaluar në listën e zgjedhësve nga jashtë.
1700 emigrantë kanë përdorur për regjistrim, një dokument shqiptar identifikimi që i ka skaduar afati. 64% e aplikantëve janë burra, dhe 36 % gra.
Komento
Komente
