Dronë dhe raketa të shkatwrruara, janë dwshmitë e përfshirjes së Iranit në sulmin ndaj objekteve të naftës në Aramco.
"Agresioni i vazhdueshëm i Iranit, sponsorizimi i grupeve terroriste dhe ndërhyrja në tregtinë detare paraqesin një kërcënim të përbashkët për të gjithë ne. Ne ftojmë bashkësinë ndërkombëtare të njohë veprimtarinë malinje të Iranit në rajon" – tha Kolonel Turki al-Malki Zëdhënësi i Ministrisë Saudite të Mbrojtjes.
Reagimi i Iranit
"Arabia Saudite ka treguar se nuk di asgjë".
Reagimi i parë i një autoriteti të Teheranit ka ardhur në Twitter nga Hesameddin Ashena, këshilltar i Presidentit Rohani.
Pompeo dhe Trump: fryjnë erëra lufte
Ndërkohë, në Rijad mbërriti Sekretari i Shtetit amerikan Mike Pompeo
“Ky është një akt lufte”, tha ai pasi takoi Princin Mohammed bin Salman.
Rritja e sanksioneve amerikane
Donald Trump njofton përmes Twitter-it një rritje "të konsiderueshme" të sanksioneve ndaj Iranit. Presidenti amerikan ka reaguar me levë financiare, pa specifikuar në detaje shtrëngimin e sanskioneve, duke hezituar tani për tani, një përgjigje ushtarake
Irani hedh poshtë akuzat
Republika Islamike i konsideron provat "e pamohueshme" të përfshirjes së Teheranit si false.
Takimi i mundshëm midis Trump dhe Rohani në OKB duket se nuk do të zhvillohet. Presidenti Iranian ka kërcënuar të mos shkojë në Pallatin e Qelqit nëse në orët e ardhshme atij dhe delegacionit nuk do ti jepen vizat amerikane dhe se as e çon ndërmend një takim me Trump.
Komente
