Sport

Flamurtari-Vllaznia, arbitrat denoncojnë vendasit, vlonjatët ia kthejnë me të njëjtën monedhë

5 Maj 2018, 22:58| Përditesimi: 5 Maj 2018, 23:40

  • Share

Ndeshja e sotme Flamurtari-Vllaznia e cila mbaroi në barazim mes dy skuadrave është shoqëruar me tension dhe të shara mes tifozërisë vlonjate dhe gjyqtarëve të ndeshjes. 

Gjyqtarët janë larguar me furgon policie vetëm 1 orë e 30 minuta pas përfundimit të ndeshjes. 

Shkak i tensionimit të situatës ka qenë momenti kur ka përfunduar ndeshja dhe arbitrat kanë lëshuar ofendime drejt tifozërisë vendase, e cila gjatë ndeshjes ka ofenduar dhe sharë katërshen e gjyqtarëve.

Tension ka pasur edhe jashtë stadiumit dhe është dashur mbi një orë që policia të qetësojë situatën dhe të nxjerrë jashtë ambienteve të stadiumit arbitrat e ndeshjes. 

Administratori i Flamurtarit, Sinan Idrizi ka bërë denoncimin në polici për gjyqtarët,ndërsa i ka quajtur persona që luajnë me ndjenjat e një qyteti.

Gjithashtu edhe gjyqtarët kanë bërë denoncim në drejtim të klubit Flamurtari. 

Ndeshja e sotme ka përfunduar në barazim me golat e Kamarës për vendasit në minutën e 94 dhe me golin e miqve nga Ribaj në të 84 minutë. 

er.k./b.ha./ReportTv.al
Komento

Komente

  • Qamil: 05/05/2018 23:25

    Vlonjatët janë xhuxhë por ama gjoksgropë!

    Përgjigju
  • Sondazhi i ditës:

    Produkte me pesticide, sa besim keni te siguria ushqimore në Shqipëri?