Dhënia e ndihmës ekonomike do të kalojë kompetencë e bashkive. Zëvendës ministrja e Shëndetësisë, Ardiana Jaku, tha në një takim me fondacionin “Qemal Stafa” se kjo do të bëhet me qëllim decentralizimin e shërbimeve sociale.
Reforma në ndihmën ekonomike solli debat edhe për shkak të keqpërdorimit politik. Ajo që mund të themi sot me koshiencë të plotë, në maj të 2018 është që kjo skemë tregoi që është efektive, përjashtoi abuzuesit. Na ndihmoi ne të kuptojmë më mirë ku janë nevojat. Dhe fuqizoi askitë përmes fondit 6 %. Skema e ndihmës ekonomike do të shkojë duke ju kaluar në kompetenca të plota bashkive.
Ardiana Jaku, zëvendësministrja e Shëndetësisë
Jaku tha gjithashtu se brenda këtij viti, edhe qendrat sociale që tashmë administrohen nga Tirana do të kalojnë në menaxhim nga bashkitë ku ato janë të vendosura.
Deri në vitit 2018 do të bëhet kalimi i të gjitha këtyre qendrave në administrimin e atyre bashkive ku ato kanë lokalitetet. Në fakt kemi gjetur mbështetje dhe jo vetëm qasjen sensistive të kryetarëve të bashkive për të marrë në vëmendje çështjet sociale, por edhe përkushtimin direkt të tyre, në nënshkrimin e këtij pakti social.
Ardiana Jaku, zëvendësministrja e Shëndetësisë
Jaku tha se forcimi i kapaciteteve të bashkive për të dhënë shërbime sociale, i bën këto shërbime më efektive dhe më të drejtpërdrejta për qytetarin në nevojë.