U mendua se do të ishte kompeticioni ku më në fund do të shpaloste të gjithë potencialin, por Argjentina i ka nisur me humbje ndeshjet e Kupës së Amerikës. Në Arena Fonte Lova të Brazilit skuadra ‘albiceleste’ u mposht 0-2 nga Kolumbia, e cila përveç golave dominoi edhe në lojë.
Pas një pjese të parë të mbyllur pa gola Kolumbia arriti të prishte ekulibrat në minutën e 71, falë Martinez që realizoi një supergol. Argjentina përpiqet të reagoi por tentativat janë larg të qenit të rrezikshme, ndërsa 4 minuta para fundit të lojës së rregullt, Zapata i futur si zëvendësues konkretizoi një kundërsulm të Kolumbisë, duke dyfishuar rezultatin dhe duke vulosur shifrat përfundimtare në të njëjtën kohë.
Në fund vjen një humbje që koplikon situatën në Grup, pavarësisht se deri më tani ky është takimi i vetëm i zhvilluar. Sonte në orën 21:00 Paraguaji dhe Qatari, dy skuadrat e tjera të këtij grupi do të përballen me njëra tjetën. Ndërkohë në momentet e para të ditës së hënë, ekzaktësisht në 00:00 do të luhet sfida Uruguaji-Ekuador.
Një takimi i vështirë për Uruguajin që për herë të parë në 2019 do të luajë një ndeshje me Edison Cavani-n dhe Luis Suarezin, dy sulmuesit që i kanë munguar në 6 muajt e parë për shkak dëmtimesh. Ndërkohë për shkak të zgjedhjeve të trajnerit Tabarez, Lucas Torreira, futbollisti i Arsenalit, pritet ta nisë nga stoli.
Komente
