Në stomakun e një peshkaqeni janë gjetur mbetjet e një burri, i cili ishte zhdukur pak kohë më parë .
Diego Barria, një 32-vjeçar, baba i tre fëmijëve, u pa për herë të fundit duke vozitur përgjatë brigjeve të Argjentinës më 18 shkurt.
Paraditen e së dielës dy peshkatarë kanë denoncuar pranë autoritetit portual vendor se kanë kapur tre peshkaqenë në zonën ku ishte pikasur mjeti i 32-vjeçarit.
Sipas Sky News, Daniela Milatruz, kreu i kërkimit për 32-vjeçarin, tha për mediat lokale se peshkatarët raportuan se "kur po pastronin peshkaqenët, gjetën mbetje njerëzore në njërin prej tyre".
Familja e Barias e identifikoi atë nga "një tatuazh që ishte i dukshëm në mbetje", shtoi ajo, por edhe rezultatet e testit të ADN-së priten për të konfirmuar zyrtarisht identitetin e tij.
Nuk dihet se çfarë ka ndodhur, megjithatë hetimet për zbardhjen e plotë të rastit vazhdojnë.
