Këtë të shtunë në orën 16:00 Manchester United luan kundër Burnley për raundin e tretë në Premier League. Te miqtë, trajneri Scott Parker ka vendosur që për ndeshjen e tretë radhazi mos mbështetet te Armando Broja.
Edhe për transfertën kundër United, Broja ka mbetur në shtëpi duke mos qenë pjesë e ekipit, si në dy ndeshjet e shkuara në kampionat. Vendim i çuditshëm nga stafi teknik i Burnleyt, që në mesjavë i dha 63 minuta lojë Brojës, me këtë të fundit që asistoi në fitoren e të tijve 2-1 kundër Derby në Carabao Cup.
Trajneri Parker, i pyetur më herët për një vendim të tillë, ka shpjeguar se Broja ka më shumë nevojë për stërvitje dhe ai nuk do të rrezikojë, duke parë formën jo të duhur të sulmuesit të Kombëtares.
Komento
Komente
Qe do te thote: nese Broja nuk vrapon, nuk do te grumbullohet fare e jo me te luaj.
Përgjigju