TIRANË- Gjykata e Tiranës ka vendosur masën "arrest me burg" për Altin Isarajn, vëllain e drejtorit të Shërbimit të transportit Rrugor, Arben Isarajt. 47-vjeçari, akuzohet për veprën penale ‘Armëmbajtje pa leje’ dhe ‘Prodhim dhe shitje të narkotikëve’.
Vëllai i tij, Arben Isaraj u emërtua në detyrë më 2 tetor të vitit 2017. Emërimi i tij atë kohë u firmos nga kryeministri Edi Rama me propozim të Ministrit të Infrastrukturës dhe Energjisë, Damian Gjiknuri.
Për herë të parë, Arben Isaraj ka kandiduar si deputet i PS në zgjedhjet parlamentare mazhoritare të vitit 2005-së në qarkun e Vlorës. Ai ka qënë deputet për dy mandate (2005-2013) dhe ka mbajtur postin e sekretarit dhe nënkryetarit të Grupit Parlamentar të Partisë Socialiste.
Pas zgjedhjeve të 23 qershorit 2013-të, Arben Isaraj u emërua zëvendësministër i Drejtësisë. Post të cilin e la për atë aktual.
Komente
