‘SPAK ka vepruar me 2 standarde për arrestimin e kryebashiakut Erion Veliaj’, kështu është shprehur avokati Idajet Beqiri.
I ftuar mbrëmjen e sotme në emision ‘Frontline’ në Report Tv, Beqiri ka thënë se Berisha ishte në arrest shtëpie dhe ja hoqën masën e sigurisë, ndërsa Veliaj futet në burg pa afat.
'SPAK po bënë një punë të mirë dhe ka një përshtypje pozitive të publikut, por nuk duhet që t’i lejojë vetes hapësira që të futet mendimi që SPAK vepron me dy standarde. Veliajn ke një vit që po e heton, ke marr prova dhe ke pyetur dëshmitar dhe ke arritur në përfundimin se ka bërë vepra penale, dhe ke aktet që të çojnë drejt një akuze përcakto dhe masën e sigurimit. Por, kur mbaron hetimet dhe e ke të qartë situatën, pse e jep në fund masën e sigurimit. Po të ishte për të ikur ai kishte ikur, sepse ka ikur në Amerikë dhe ka ardhur prap. Nuk është masa e sigurimit arrest me burg pa afat, në situata të tilla duhet të marrësh një masë tjetër deri sa të hetohet. Berisha ishte në arrest shtëpie, dhe ja hoqën gjykata e Apelit tha detyrim paraqitje dhe thoshte se është para fushatës ta lëmë që ta bëjë fushatën, pra për Berishën qenka një shkak, po Veliajn pse e çon në burg edhe ai para fushatës është. Ca e keqe do ti vinte SPAK po ti jepte detyrim paraqitje’, tha ai.
Beqiri tha se ditën e nesërme (12 shkurt) pritet që të bëhet verifikimi i masës së sigurimit për Veliajn.
‘Nesër nuk ndodh asgjë, nesër është verifikimi i masës së sigurimit, që ai pyetet dhe i thuhet ti je Erion Veliaj, në cilin burg të kanë çuar në paraburgim, si janë kushtet atje. Këto janë vepra penale të rënda dhe shkojnë deri në 12 vite burg. Por të lësh jashtë pa asnjë masë, një kriminel të nivelit të madh që e kanë bërë edhe SHBA non grata si Berisha dhe të futësh në burg pa afat Veliajn nuk ka shqiptar që ta pranon një gjë të tillë’, tha ai.
Avokati foli edhe prokurorin Olsi Dado, për të cilin tha se nuk duhet që të ishte prokuror në SPAK, pasi është futur jashtë kritereve ligjore.
'Olsi Dado nuk duhet që të ishte prokuror në SPAK, sepse është futur jashtë kritereve ligjore, që të jetë prokuror duihet të kjesh magjistrat ose të kesh punuar avokatë për shume vite, kurse ai ka qenë noter. Ai që i ka dhënë burg pa afat Veliajt, nuk duhet t’a jepte sot, po kur fillojë hetimi i çështjes’, tha ai.
Kryebashkiaku i Tiranës Erion Veliaj u arrestua më 10 shkurt, me urdhër të SPAK. Sipas Prokurorisë së Posaçme, Veliaj dyshohet se së bashku me bashkëshorten e tij krijoi një skemë korruptive, mes kompanive të Ajola Xoxës dhe një grupi biznesmenësh pranë tij. Xoxa është në arrest shtëpie, ndërsa në burg është dërguar edhe biznesmeni Elman Abule. 5 biznesmenët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha u lanë në detyrim paraqitjeje.
Komente
