Tre deputetë të Parlamentit Europian, Lidia Pereira (EPP), Maria da Graça Carvalho (EPP), Claudia Monteiro de Aguiar (EPP) i kanë drejtuar pyetje Komisionit Europian mbi shembjen e Teatrit Kombëtar.
Ata e kanë konsideruar shkelje të lirive arrestimin e protestuesve gjatë shembjes së Teatrit Kombëtar, duke theksuar se liria e shprehjes dhe mendimit është një shtyllë e demokracisë dhe sundimit të ligjit.
Përmes një postimi thuhet se BE ka një politikë fqinjësore të rrënjosur në bashkëpunimin politik, mbështetjen për zhvillimin ekonomik dhe shoqëror dhe mbrojtjen e vlerave që përcaktojnë projektin evropian.
Pyetje për Komisionin Europian:
Shembja e Teatrit Kombëtar të Shqipërisë dhe kërcënimi i demokracisë dhe sundimit të ligjit.
Lidia Pereira (EPP), Maria da Graça Carvalho (EPP), Claudia Monteiro de Aguiar (EPP) — Eurodeputetë të grupimit parlamentar të Partisë Popullore Europiane.
Bashkimi Europian ka një politikë fqinjësie të rrënjosur në bashkëpunimin politik, mbështetjen për zhvillimin ekonomik e social dhe mbrojtjen e vlerave që përkufizojnë projektin europian. Siç u pa edhe tek samiti i BE dhe Ballkanit Perëndimor në 6 Maj (e cila rezultoi në një paketë ndihme prej 3 miliard eurosh), afrimiteti mes BE dhe Ballkanit Perëndimor është një shembull shumë i mirë i kësaj politike, e cila përfshin 6 vende kandidate bashkë me Shqipërinë.
Në 17 Maj, autoritetet shqiptare shkatërruan Teatrin Kombëtar në Tiranë, një ndërtesë e vlerësuar nga Europa Nostra si një prej shtatë monumenteve më të rrezikuara në Europë. Shembja e ndërtesës u dënua nga Presidenti i Shqipërisë dhe nga shumë institucione shqiptare dhe europiane. Forcat shqiptare të sigurisë arrestuan me dhjetëra protestues, gjatë shembjes, përfshirë këtu edhe figura politike, gazetarë dhe aktivistë. Liria e shprehjes është një prej shtyllave të demokracisë dhe sundimit të ligjit. Këto liri janë dhunuar.
A mund të përgjigjet Komisioni Europian për:
1 – A është Komisioni në dijeni për mënyrën se si janë arrestuar protestuesit?
2 – Çfarë impakti pret Komisioni që të ketë ky veprim mbi politikën e fqinjësisë shqiptare dhe hapjen e negociatave?
Shkrimi nga tre deputetët
Komente
Eurodeputetet ngaterrojne lirine e fjales(qe eshte e drejte kushtetuese)me zaptimin ne dhune te prones publike ,ku shume mire mund te zgjdhnin rrugen ligjore per kerkesat e tyre.Ata nuk jane artist por militant partie qe nuk i perkrah shumica e aktiteve dhe shumica e shqiptareve.Godina e re e teatrit asht kerkese e kohes dhe duhet te realizohet me cdo lusht .Opozita po proteston per cdo veper publike qe ndertihet dhe kjo eshte antiligjore dhe antikombetare
PërgjigjuZoterinj europarlamentare, arrestimet ate dite nuk kane ndodhur per te ndaluar fjalen e lire, por perkundrazi, per te ruajtur demokracine e cila eshte e bazuar ne respektimin e ligjit. Dhe kush proteston duke qene agresiv ndaj policise, atehere ketu nuk ka te beje me fjalen e lire. Por gjithesesi ju jeni te partise popullore europiane, dmth simotra e pd ketushme dhe kuptohet arsyeja e kesaj pseudoankese.
Përgjigju