TIRANË- Dënimin e ish-ministrit të Brendshëm, Saimir Tahiri me 3 vite e 4 muaj burg, ambasadori i Bashkimit Europian (BE), Luigi Soreca tha se është një sinjal pozitiv për drejtësinë vend.
Nga Korça, diplomati europian tha se po shohin frytet e Reformës në Drejtësi, me gjykata të pavarura, por theksoi se nuk është mjaftueshëm, pasi pritshmëritë janë më të mëdha.
"Nuk komentoj për procedura në vijimësi apo për çështje specifike, por mund të them se të shikosh disa, megjithatë po të shikohen disa nga vendimet e fundit, të gjykata shihet një pavarësi më e madhe e gjyqësorit dhe ky është lajm i mirë për gjyqësorin. Ne shohim sinjale të mira nga puna e gjyqtarëve dhe prokurorë, nuk është e mjaftueshme, ne presim më shumë nga të gjithë njerëzit e drejtësisë", tha Soreca.
Soreca nxiti dhe njëherë votimin pro zgjatjes së afateve të vetingut në drejtësi, ndërsa zbuloi negociatat me të gjitha forcat politike në vend sa i takon kësaj çështje që kërkon shumicë të cilësuar votash. Një votë pro Vettingut, është votë pro të ardhmes në BE, ka theksuar ai.
"Votimi për zgjatjen e afateve të vettingut është një votë për të ardhmen e Shqipërisë në BE. Ne vazhdojmë punën tonë duke biseduar me të gjitha forcat politike në vend për të gjitha çështjet që kanë të bëjnë me të ardhmen e vendit e në veçanti edhe për zgjatjen e Vettingut’- tha Soreca.
Në fund ka pasur edhe një koment të shkurtër, ndonëse pa një përgjigje konkrete, edhe për Sali Berishën, i cili edhe pse i shpallur 'Non Grata' nga SHBA, vijon të bëjë fushatë.
“Më lejoni të mos komentoj për zhvillimet e brendshme të një partie. Ne kemi ndjekur dhe vijojmë të ndjekim parimin e mosndërhyrjes", përfundoi ambasadori.
Ambasadori i BE-së, Luigi Soreca u pyet për një koment për aktivitetin e Sali Berishës dhe pjesëmarrjen në fushatë edhe pse është shpallur 'Non Grata' nga SHBA. Nga Korça, ai deklaroi se nuk dëshiron të komentojë zhvillimet e brendshme të një partie.
“Më lejoni të mos komentoj për zhvillimet e brendshme të një partie. Ne kemi ndjekur dhe vijojmë të ndjekim parimin e mosndërhyrjes. Do ketë dhe zgjedhje në të ardhmen. Në të njëjtën kohë vazhdojmë punën tonë duke biseduar me të gjitha forcat politike në vend edhe sa i përket çështjes së vettingut”, deklaroi Soreca.
Kur mbeten vetëm pak ditë nga votimi i ndryshimeve kushtetuese për zgjatjen e afateve të vettingut, dhe PD ende nuk ka një qëndrim për këtë çështjen, ambasadori i Bashkimit Europian, Luigi Soreca ka reaguar nga nga Korça përsëriti në lidhje me këtë. Soreca përsëriti thirrjen për votimin e zgjatjeve të afatve të vettingut, në kuadër të zbatimit të Reformës në Drejtësi. Soreca tha se votimi për zgjatjen e vettingut është një votë për të ardhmen e Shqipërisë në BE. Soreca zbuloi negociatat me të gjitha partitë politike ndërsa nxiti votimin pro zgjatjes së afateve të vettingut në drejtësi.
‘E dini që qëndrimi i BE është e qartë, në fakt që në nëntor zbatimi i Reformës në Drejtësi dhe i vettingut është tejet i rëndëishëm për vendin. Kjo u konfirmua edhe nga Komisioni i Venecias ku nuk u identifikua ndonjë problem për zgjatjen me dy vite, dhe është e rëndësihme që të sigurohen të njëjtat standarde për vettingun e gjyqtarëve. Votimi për zgjatjen e afateve të vettingut është një votë për të ardhmen e Shqipërisë në BE. Ne vazhdojmë punën tonë duke biseduar me të gjitha forcat politike në vend për të gjitha çështjet që kanë të bëjnë me të ardhmen e vendit e në veçanti edhe për zgjatjen e Vettingut ’- tha Soreca.
