Dy persona janë arrestuar në Fier të mërkurën, njëri për armëmbajtje pa leje, ndërsa tjetri për kultivim kanabisi.
Gentian Tepelena, 45 vjeç banues në Fier u kap nga Policia me pistoletë në brez, të gatshme për qitje dhe nën efektin e alkoolit. Policia gjeti dhe sekuestroi në cilësinë e provës një armë zjarri pistoletë me fishek në fole dhe 1 krehër me 7 fishekë në të. Mbi 45-vjeçarin rëndon akuza "Mbajtja pa leje e armëve, armëve shpërthyese dhe i municionit.
Fatmir Muskaj, 42-vjeç, banues në Kreshpan u arrestua pasi Policia gjeti në tokën në pronësi të tij disa bimë të kultivuara kanabisi. Bimët e kanabisit u asgjësuan.
Materialet i kaluan Prokurorisë, për veprime të mëtejshme procedurale.
Komento
Komente
