SHKODËR - Arrestimi i tre të rinjve të martën gjatë operacionit “Shkejza” në Bushat të Shkodrës ka prodhuar një tjetër konflikt. Pjetër Prendi së bashku me shokun e tij, Afrim Sadik, të dy 26 vjeç dyshohet se i vendosën flakën të enjten në mbrëmje magazinës së familjes Gjoni në fshatin Mali i Jushit. 65-vjeçarja Zoja Gjoni tha se nuk kanë konflikte, por burime nga policia bëjnë të ditur se 26-vjeçari Prendi dyshonte se familja Gjoni i ka spinuar të vëllanë, Aleksandrin që u prangos të martën.
“Nuk i kam bërë gjë njeriu, s’kam ngatërresë me asnjë njeri. Çfarë i ka thënë mendja atij njeriu nuk e di, por zjarri është i qëllimshëm. Ai njeri që e bëri këtë, ta shikojë Zoti”, tha Zoja Gjoni.
Me të marrë njoftim për djegien e magazinës, policia u vendos në ndjekje të dy 26-vjeçarëve, Prendi e Sadik të cilët jo vetëm bënë rezistencë por kërcënuan me jetë efektivët.
“Gjatë arrestimit, ata kanë dhunuar fizikisht punonjësit e policisë, duke i kërcënuar me jetë si dhe kanë tentuar t’u marrin automjetin”, bën të ditur policia e Shkodrës.
Pjetër Prendi ka kërcënuar efektikët e policisë, duke pretenduar arrestimin e padrejtë të të vallait, ra në pranga së bashku me dy të tjerë për armë pa leje dhe zjarrvënie të qëllimshme.
Komente
Jepuni 10 vite qelbësirave që kur të dalin ta masin kurrizin mirë herë tjetër.
PërgjigjuAkuza nuk eshte e plote, duhet te perfshinte dhe kercenim te civileve, kercenim e dhunim te efektiveve te policise per shkak te detyres dhe demtim prone me dashje,rezistence e kundershtim ndaj aktit te arrestimit,s.d.q jane me fat qe nuk i kane perdorur ato arme pa leje qe kishin.
Përgjigju