Policia e Tiranës ka arrestuar katër persona, dy prej të cilëve kanë qenë persona të shpallur në kërkim kombëtar. Ndërkohë sipas policisë, dy personat e tjerë të arrestuar, akuzohen, 1 për prodhim dhe shitje e narkotikëve dhe 1 për drejtim mjeti në mënyrë të parregullt.
Njoftimi i policisë
Në vijim të punës për kapjen e personave të shpallur në kërkim, nga strukturat e DVP Tiranë janë kapur dhe ndaluar shtetasit:
•Z.Q., 36 vjeç, pasi Gjykata e Shkallës Parë Tiranë e ka dënuar me 5 vjet burg, për veprën penale “Prodhimi dhe shitja e narkotikëve”.
•Q.K., 35 vjeç, i shpallur në kërkim për veprën penale "Plagosje e rëndë me dashje".
Forçat e Posaçme "Shqiponja" në bashkëpunim me Seksionin për Hetimin e Narkotikëve", bënë arrestimin në flagrancë të shtetasit A.M., 34 vjeç, pasi në rrugën "Irfan Tomini", gjatë kontrollit fizik iu gjet e iu sekuestrua në cilësinë e provës materiale 5.8 gr. lëndë e dyshuar narkotike e llojit Kokainë.
Nga specialistët e Qarkullimit Rrugor u bë arrestimi në flagrancë i shtetasit A.G., 33 vjeç, pasi në rrugën “Llazi Miho”, u kap duke drejtuar mjetin pa leje përkatese.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
