DURRES- Një 21-vjeçare është vënë në arrestuar në flagrancë pasi gjatë kontrollit fizik i është gjetur një sasi prej 13.5 gr. lëndë narkotike, e dyshuar kokainë. 21-vjeçarja nga Durrësi me iniciale A. B., tashmë do të hetohet nga Prokuroria e Rrethit Gjyqësor Durrës për veprën penale "Prodhimi dhe shitja e narkotikëve".
"Goditet një tjetër rast i shpërndarjes së drogave të forta në doza të vogla. Sekuestrohen 13.5 gr. kokainë. Arrestohet në flagrancë një 21-vjeçare.
Në vijim të goditjeve të njëpasnjëshme ndaj shpërndarjes së drogave të forta në doza të vogla, specialistët për Hetimin e Narkotikëve në Drejtorinë Vendore të Policisë Durrës arrestuan në flagrancë shtetasen: A. B., 21 vjeçe, banuese në Durrës.
Gjatë kontrollit fizik ndaj kësaj shtetaseje, u gjet dhe sekuestrua në cilësinë e provës materiale një sasi prej 13.5 gr. lëndë narkotike, e dyshuar kokainë.
Materialet i kaluan Prokurorisë së Rrethit Gjyqësor Durrës, për veprën penale "Prodhimi dhe shitja e narkotikëve", njofton policia.
Komente
Një 21-vjeçare është vënë në arrestuar në flagrancë
Përgjigju