Policia ka goditur një tjetër rast të shpërndarjes së drogës, duke arrestuar në flagrancë shtetasin E. P., 26 vjeç, banues në Tiranë, i dënuar më parë për veprimtari kriminale në fushën e narkotikëve.
Gjatë kontrollit në automjetin e tij në Rinas, shërbimet e policisë gjetën dhe sekuestruan 23.5 gramë kokainë, që dyshohet se ishte destinuar për shitje në doza. Në vijim të operacionit, në banesën e tij u sekuestruan edhe 9 steka me cigare pa pullë fiskale.
'E. P., 26 vjeç, banues në Tiranë, i dënuar më parë për veprimtari kriminale në fushën e narkotikëve. Në Rinas, shërbimet e Policisë kanë ndaluar automjetin me drejtues shtetasin E. P., në të cilin gjatë kontrollit kanë gjetur një sasi lënde të dyshuar narkotike kokainë, që dyshohet se ai e posedonte me qëllim shitjen në doza. Në vijim të veprimeve, gjatë kontrollit në banesën e tij, u gjetën dhe u sekuestruan 9 steka me paketa me cigare, pa fullë fiksale.', njofton policia.
Materialet procedurale i kaluan Prokurorisë për veprime të mëtejshme.
Komente
