ITALI – Një 41-vjeçar shqiptar është arrestuar nga policia pasi u kap në flagrancë, teksa transportonte 5.5 kilogramë marijuanë.
Shqiptari u ndalua teksa drejtonte një fugon, në Bolzano Sud, ditën e djeshme. Ishte sjellja e tij ajo ç’ka i bëri efektivët të dyshonin për diçka jo normale dhe të kontrollin automjetin. Sipas mediave, ai qëndroi për një kohë të gjatë në pikë e pagesës së taksën së qarkullimit të autostradës A22, duke pritur me shpresën për t’u larguar patrulla e policisë
Gjatë kontrollit, blutë gjetën 10 pako me marijuanë, me peshë totale 5.5 kilogramë, e cila llogaritet se mund të ndahej në mijëra doza, të destinuara për shitje, me vlerë rreth 1 milion euro.
41-vjeçari shqiptar, banues në Lombardi rezultoi me precedent penal për vepra të ndryshme, përfshirë dhe trafikim droge. Tashmë ai është në paraburgim, ndërsa policia ka sekuestruar lëndën narkotike dhe fugonin e tij.
Komente
