Drejtuesi i një mjeti është vënë në pranga të policisë pasi ka shkaktuar një aksident një ditë më parë në Devoll. Policia ka arrestuar shtetasin I.H, 63 vjeç, banues në fshatin Trestenik, Devoll.
63-vjeçari në aksin rrugor Trestenik-Vishocicë, Devoll, duke drejtuar mjetin tip “Ford”, ka humbur kontrollin e mjetit, ka dalë nga rruga dhe më pas është larguar nga vendi i aksidentit.
Për pasojë kanë marrë lëndime 4 pasagjerë që ndodheshin në këtë mjet, të cilët morën mjekim në Spitalin e Bilishtit dhe ndodhen jashtë rrezikut për jetën.
Materialet i kaluan Prokurorisë së Rrethit Gjyqësor Korçë, për veprime të mëtejshme.
Komento
Komente
