KOSOVA- Kryetari i Partisë Socialdemokrate në Kosovë, dhe bashkëshorti i ish-ministres së arsimit Besa Shahini, Dardan Molliqaj është arrestuar me dhunë nga policia e Prishtinës, gjatë ditës së sotme.
Molliqaj dhe aktivistë të tjerë të partisë Socialdemokrate kanë protestuar sot para policisë së Kosovës.
Aktivistët kanë shkruar mbi muret e ndërtesës “Për partitë tubime, për qytetarët dënime”, si një mënyrë kundërshtimi për gjobat e vëna ndaj qytetarëve të cilët thyejnë rregullat anti-COVID, ndërkohë që nuk merret asnjë masë për partitë politika të cilat kanë filluar fushatën elektorale për zgjedhjet e 14 shkurtit.
Numri I aktivistëve të arrestuar është 13.
Komento
