Një 35-vjeçar i shpallur në kërkim Spanja për vjedhje është ndaluar në pikën kufitare të Hanit të Hotit në Shkodër, ditën e sotme.
Për 35-vjeçarin e identifikuar si Klisman Ndoj (Marku) gjykata spanjolle ka caktuar masën “Arrest në burg”, për veprën penale “Vjedhja”, kryer në kuadrin e organizatës kriminale.
“- sepse pas verifikimeve dhe shkëmbimit të informacioneve ndërmjet strukturave homologe të Interpolit, rezultoi i shpallur në kërkim ndërkombëtar, me masë sigurie “Arrest në burg”, nga autoritetet në Spanjë, për veprën penale “Vjedhja”, kryer në kuadrin e organizatës kriminale. Vijon bashkëpunimi për të finalizuar ekstradimin e këtij shtetasi”,-njofton policia.
Po ashtu, një 47-vjeçar turk i identifikuar si Yusuf Adet është arrestuar në flagrancë në PKK Port, Durrës pasi nga kontrolli i dokumentacionit rezultoi se posedonte një leje qëndrimi në Francë, të dyshuar të falsifikuar.
“ pasi nga kontrolli i dokumentacionit rezultoi se posedonte një leje qëndrimi në Francë, të dyshuar të falsifikuar. Dokumenti u sekuestrua në cilësinë e provës materiale”,-njofton policia.
Materialet procedurale i kaluan prokurorive të Shkodrës dhe Durrësit, për veprime të mëtejshme.
