Kampioni absolut i botës në peshat e rënda në boks, ukrainasi Oleksandr Usyk u arrestua në aeroportin e Krakovit (Poloni), ndërsa video e arrestimit u shfaq të gjitha në rrjetet sociale.
Boksieri 37-vjeçar planifikoi të fluturonte për në Valencia të Spanjës ku dëshiron të përgatitet për ndeshjen kundër Tyson Fury (36 vjeç) e cila zhvillohet në Riad të Arabisë Saudite më 21 dhjetor.
Ukrainasi u ndalua në rrethana të paqarta dhe më pas u deklarua se ishte një keqkuptim. Një video e postuar në rrjetet sociale tregon Usykun duke u larguar me pranga nga policia.
U desh që presidenti ukrainas, Volodymyr Zelensky të ndërhynte urgjentisht në këtë rast, pas së cilës Usyk u la i lirë. “Kishte një keqkuptim. Gjithçka u zgjidh shpejt. Faleminderit të gjithëve që u kujdesën. Faleminderit diplomatëve ukrainas për mbështetjen e tyre efikase”, shkroi Usyk në X, por nuk zbuloi pse u arrestua.
Në shtator të vitit 2021, ai u bë kampion bote në versionet IBF, IBO, WBA dhe WBO dhe në maj të këtij viti fitoi edhe rripin WBC pasi mposhti Tyson Fury dhe u bë kampion i padiskutueshëm i botës.
???????????????? Ukrainian Boxer Oleksandr Usyk was detained at Krakow airport and taken into questioning.
— Voice of the innocent (@AliBukhari10043) September 17, 2024
Usyk's wife commented on his detention on her Instagram page: 'Everything is fine, all is well. Nothing criminal. Oleksandr will explain everything himself soon,' she wrote pic.twitter.com/fP8oT690mh
