Tiranë - Një shqiptar i dënuar nga drejtësia italiane me 13 vite e 6 muaj burg për trafik të lëndëve narkotike dhe organizatë kriminale, u arrestua nga policia në Tiranë pasi ishte shpallur në kërkim ndërkombëtar.
Policia e Tiranës në bashkëpunim me Interpol Tirana lokalizuan dhe arrestuan në zonën e Yrshekut, në Kashar, 54-vjeçarin M. P.
Ai ishte shpallur në kërkim ndërkombëtar një ditë më parë nga Interpol Roma, pasi Gjykata e Apelit në Milano, Itali e ka dënuars me 13 vite e 6 muaj burg, për veprat penale “Trafikim i lëndëve narkotike” dhe “Organizatë kriminale”.
Interpol Tirana në bashkëpunim me Interpol Romën po vijon procedurat për ekstradimin e këtij shtetasi drejt Italisë.
Komento
Komente
