Ministri i Brendshëm Sandër Lleshaj ka reaguar pas arrestimit në Athinë të Bledar Jambelli, personit që porositi vrasjen e kryepolicit të Vlorës Artan Cukut. (LEXO KËTU)
Në reagimin e tij, Lleshaj shkruan se finalizimi i aksionit për arrestimin e Jambellit është një sukses dhe mesazh i rëndësishëm se "Forcës së Ligjit" nuk mund t’i shmanget askush.
Më tej, ministri i Brendshëm u zotua se Policia e Shtetit do ta intensifikojë në kulm përpjekjen për të vënë përpara drejtësisë të gjithë ata, që e kanë vendin para saj dhe se partnerët ndërkombëtarë janë në mbështjetje të plotë për drejtësi në Shqipëri.
Për më shumë detaje lidhur me vrasjen e ish-komisarit Cuku (LEXO KËTU)
Reagimi i plotë ministrit Lleshaj:
Finalizimi i aksionit për arrestimin porositësit të vrasjes së Artan Cukut, ish-drejtuesit të Policisë së Vlorës është një sukses dhe mesazh i rëndësishëm. Forcës së Ligjit nuk mund t’i shmanget askush. Policia e Shtetit do ta intensifikojë në kulm përpjekjen për të vënë përpara drejtësisë të gjithë ata, që e kanë vendin para saj. Partnerët ndërkombëtarë janë në mbështjetje të plotë të vullnetit tonë të palëkundur për drejtësi në Shqipëri.
Komente
Per keta felliqesira qe sigurojne fitime duke marre jete njerezish denimi duhet te jete denim kapital
Përgjigju