TIRANË- Policia arrestoi vajzën e këngëtares së njohur, Eli Fara, gjatë ditës së enjte. Report Tv mëson Roxhensa Kapurani, 39 vjeçare, e cila njihet me emrin Marina Fara, u arrestua në Vorë.
Sipas një njoftimi të policisë, gjatë kontrollit fizik, shërbimet e komisariatit të policisë së Vorës i gjetën një sasi kokaine. Report Tv mëson se vajza e Eli Farës, u kap me 3 gramë kokainë.
“Specialistët për Hetimin e Narkotikëve arrestuan, R. K., 39 vjeçe, pasi gjatë kontrollit fizik, shërbimet e Komisariatit të Policisë Vorë i gjetën një sasi të dyshuar narkotike Kokaine”, njoftoi Policia e Tiranës.
Mësohet se pas arrestimit nga Policia, ajo ka dëshmuar se lëndën narkotike e mbante për përdorim personal.
Në rrjetet sociale, Marina Fara, është mjaft aktive, me postime të vazhdueshme teksa reklamon veshjet dhe udhëtime nëpër vende të ndryshme të botës
Pak pas arrestimit të Marina Farës, vajzës së këngëtares së njohur Eli Fara, që u kap me një sasi kokaine në makinë, mësohet edhe dëshmia e saj e dhënë në Polici.
39-vjeçarja që në dokumente mban emrin Roxhensa Kapurani, u kap në Vorë me 4,4 gram kokainë, që e kishte fshehur në portofol, por policisë i ka thënë se ‘lëndën narkotike e kishte për përdorim personal’.
Marina Fara edhe më herët ka qenë e përfshirë në skena të ngjashme. 5 vite më parë u përfshi në përgjimet e policisë, në operacionin “Mezhgorani”, ku u arrestuan më shumë se 30 persona.
Në atë kohë, dyshimet për Marina Farën ishin se kishte ndihmuar dy të dyshuar për trafik të lëndëve narkotike të arratiseshin.
Komente
Nga momeenti qe e ka per perdorim vetjak skane pse ta shoqerojne ne polici
PërgjigjuSka problem se e shpëton"babai"Fatmir Gërdeci...
PërgjigjuÇne..?! Se këto janë qelibar nga natyra. Si ka mundësi të ketë pasur kokainë?! Mjafton që të merret një aksion i befasishëm nëpër të gjithë këto farë VIP-ash dhe policia do të mbyllë një rubinet jo të vogël të qarkullimit të drograve në Shqipëri.
Përgjigju