Synimi i Argjentinës është të fitojë Kupën e Botës në Katar. Amerikano-jugorët morën një qasje të ndryshme për të zgjedhur kampin e ekipit të tyre kombëtar gjatë turneut në Katar. Ndërsa pothuajse çdo ekip tjetër kombëtar do të qëndrojë në hotele luksoze me dhoma me pesë yje, xhakuzi, restorante dhe ambiente të klasit të lartë, argjentinasit do të qëndrojnë në konviktin e Universitetit të Katarit - vendi ku studentët flenë dhe studiojnë!
Arsyeja pas vendimit nuk është modestia. Ideja është që kampusi do të lejojë Lionel Messin, Angel Di Maria, Lisandro Martinez dhe yje të tjerë të shijojnë kohën e tyre së bashku nën qiellin e hapur dhe të ndjekin traditën e vendit të tyre me skarën e njohur si ‘asado’.
Lojtarët, trajnerët dhe pjesa tjetër e stafit do të organizojnë ‘asado’ të shijshme, barbekju tradicionale që janë një nga kënaqësitë e kuzhinës së vendit amerikano-jugor. Një zonë e veçantë për Barbecue është ndërtuar në tokën universitare për asados, duke i lejuar Messit dhe shokëve të tij të shijojnë një shumëllojshmëri bifteku dhe salcice kryesisht viçi, të cilat do të gatuhen në mënyrën tradicionale argjentinase dhe vetëm të lyera lehtë me kripë të trashë.
