Për shumë kohë një zonë e panjohur dhe e lënë në harresë, tashmë Nivica në Kurvelesh ka rifituar shkëlqimin e humbur. Drejtor i Përgjithshëm i Agjensisë Kombëtare të Bregdetit, Auron Tare, përmes një postimi në rrjetin social ”Facebook” ka njoftuar se 22 artistë nga vende si: Spanja, Italia, Rumania dhe Turqia, të cilët do të performojnë shfaqjen e tyre teatrale në Malet e Kurveleshit.
Studiuesi Tare shprehet se gjatë kësaj jave, artistët do të interpretojnë në teatrin në sheshin e restauruar të këtij fshati. Sipas tij, kjo është një ngjarje e rrallë, pasi asnjëherë më parë në këtë zonë, nuk janë zhvilluar aktivitete të tilla. shkruan Auron Tare në profilin e tij në Facebook, gjë të cilën e ka treguar dhe përmes fotove të publikuara.
22 artistë dhe aktorë nga Spanja, Italia, Rumania dhe Turqia kanë filluar performancën në rezidencën e tyre në fshatin Nivicë në Malet e Kurveleshit. Këtë javë ata do të interpretojnë teatrin në sheshin e restauruar të fshatit. Teatri Astragali i Lece do të performojë Rrënojat rrethore të Borges, rumunët do të paraqesin poetin romak Ovidit dhe spanjollët nga Universiteti i Madridit, do të interpretojnë një shfaqje me valle dhe me maska. Kjo është një ngjarje e jashtëzakonshme në këto zona të harruara malore, ku komuniteti pastoral nuk ka paraqitur kurrë më parë art.
Auron Tare
Komente
