Ndonëse, ditëve të karantinës për shkak të pandemisë COVID 19 gradualisht po u vjen fundi, artistët shqiptarë, brenda edhe jashtë vendit vazhdojnë, që të sjellin muzikë cilësore nga shtëpitë e tyre.
Kësaj here sopranoja Klodiana Brahimi bashkë me këngëtaren e muzikës së lehtë Klodiana Vatën interpretojnë këngën, “Hallelujah” e Leonard Cohen, e cila është cilësuar nga kritika ndërkombëtare, si një ndër perlat muzikore më të njohura.
Nën shoqërinë e pianistes Dorina Saraci, violinistja Stela Prela dhe ccelistit Enea Nushi artistët realizojnë këtë bashkëpunim nga Shkodra, Tirana dhe Italia.
Kantautori Leonard Cohen e kompozoi këngën “Hallelujah” për albumin “Various Positions” (1984), por njohja e saj më e madhe ka qenë pas interpretimit të jashtëzakonshëm të këngëtarit amerikan Jeff Buckley.
Komente
