Kombëtarja shqiptare është rikthyer sot në stërvitje pas ndeshjes me Çekinë ku mësohet se sipas të gjitha gjasave Jasir Asani do të humbasë ndeshjen me Ukrainën, e fundit në Ligën e Kombeve që luhet të martën. Mëgjarashi u dëmtua të shtunën përballë Çekisë dhe la fushën në pjesën e parë, teksa vendin e tij e mori Taulant Seferi.
Asani në vijim do ti nënshtrohet analizave më të detajuara për të kuptuar nëse do mund të vijojë me kombëtaren ose jo. Sa i takon pjesës tjetër të përfaqësuese, lojtarët të cilët morën minuta të shtunën u stërviten në palestër dhe bënë fizioterapi, ndërsa ata të cilët nuk aktivizuan zbritën në fushë, duke kryer ushtrime me topin dhe skema të ndryshme.
Komento
