Gjykata e Posaçme e Apelit ashpërson masën për gjyqtaren Mimoza Margjeka, duke e rikthyer në "arrest shtëpie".
Margjekës e cila është e akuzuar për korrupsion, i rikthehet masa "arrest shtepie", ndërsa më parë për të ishte dhënë masa detyrim paraqitje.
Ne arrest shtëpie është lënë edhe bashkeshorti i saj Arben Cara, që ka luajtur rolin e sekserit apo marrësit të parave si dhe dy të rinjtë Nejton Bali dhe Klaudjo Zhilla.
Gjyqtarja Margjeka akuzohet për korrupsion dhe për marrjen e një rryshfeti 6 mijë euro për të liruar një të arrestuar për trafik klandestinësh. Bëhet fjalë për Orion Balin i cili u lirua nga qelia kundrejt “garancisë pasurore”. Orion Bali për të cilin gjykata e Pogradecit kishte caktuar arrest me burg, apeli i Korçës me vendimin e Margjekës e ka lënë në liri kundrejt garancisë pasurore prej 500 000 lekësh. Nejton Bali rezulton se është i afërmi i personit që iu ndryshua masa e sigurisë përkatësisht Orion Bali.
Së bashku me Margjekën në atë kohë SPAK mori nën hetim edhe bashkëshortin e gjyqtares, Arben Cara, avokatin e Balit, Skënder Demiraj, vëllanë e të pandehurit Nejton Balin dhe sekserin Klaudjo Zhilla.
