Ademola Lookman mbetet një nga emrat më të nxehtë të merkatos verore dhe duket se “telenovela” e tij po shkon drejt fundit.
Sipas “SportItalia” dhe “Sky Sport Italia”, Bayern Munich ka kontaktuar së fundmi Atalantën për një transferim të mundshëm të sulmuesit nigerian. Propozimi i bavarezëve ishte huazim me të drejtë blerje, por është refuzuar menjëherë nga klubi bergamask, i cili pranon vetëm një shitje përfundimtare për shumën prej 50 milionë eurosh.
Në garë për 26-vjeçarin janë gjithashtu Galatasaray dhe Tottenham, me londinezët që duken më të favorizuar, jo vetëm për shkak të fuqisë financiare, por edhe sepse lojtari shihet i prirur drejt Premier League. Në orët e fundit të merkatos pritet që Tottenham të paraqesë një ofertë zyrtare në drejtim të Atalantës.
Komente
