Ish-presidenti i Bolivisë Evo Morales pretendoi se i kishte shpëtuar një atentati herët në mëngjes të dielën, (27 tetor) kur sulmues të armatosur të paidentifikuar hapën zjarr mbi automjetin e tij.
Morales postoi një video në mediat sociale që dukej se tregonte vrima plumbash në makinën e tij si dhe një shofer të plagosur.
Sipas mediave të huaja, ai pretendoi se katër persona të maskuar të veshur me të zeza dhe me armë dolën nga dy automjete dhe filluan të qëllonin drejt makinës.
Ai pohoi se ngjarja ndodhi teksa ishte duke u nisur për të drejtuar programin e tij të së dielës.
Sulmi i supozuar vjen mes përshkallëzimit të tensioneve politike në Bolivi, ku Morales, i cili udhëhoqi vendin nga 2006 në 2019, ka mbledhur mbështetës pasi u ndalua nga zgjedhjet e ardhshme nga një vendim i gjykatës kushtetuese.
Evo Morales
Qeveria e Bolivisë ka mohuar akuzat se ka udhëhequr sulmin ndaj ish-presidentit Evo Morales, makina e të cilit u qëllua të dielën (27 tetor 2024), duke pretenduar se kolona e ish-liderit kishte qëlluar ndaj policisë speciale kundër narkotikëve, të cilët po patrullonin.
Më herët, Morales pretendoi se atentati ndaj tij ishte autorësi e qeverisë boliviane.
Në fakt, sipas qeverisë, automjetet e Morales dyshoheshin se po transportonin drogë.
Ministri i Brendshëm Eduardo del Castillo tha gjatë një konference për shtyp se njësia kundër trafikut të drogës – FELCN - po kryente një patrullim rutinë në autostradë, kur kolona e Morales qëlloi mbi policinë dhe plagosi një oficer.
Morales tha në një intervistë në radio të dielën se ai me të vërtetë kishte qëlluar kundër policies, por sipas tij "vetëm" pasi ata hapën zjarr.
