Në Gjykatën e Posaçme në procesin që po zhvillohet ndaj Plarent Dervishaj dhe Julian Meçajt për atentatin ndaj ish-prokurorit Arjan Ndoja në vitin 2019, u paraqitën katër persona për të dëshmuar Halit Valteri, Klodiana Shyti, Aida Spathiu dhe Enver Shaba.
Togat e zeza kishin thirrur edhe Bashkim Maloku, Arjan Ndoja, Miti Prifti, Genci Maloku, Luan Mata, Vullnet Muça, Aleksandër Laho në cilësinë e dëshmitarëve, por nuk u paraqitën në gjyq këtë të premte.
Gjykata shtyu seancën për shkak të mungesës së avokatëve Isuf Shehu, Ilia Ilia dhe Gerta Dorjani. Seanca e radhës u caktua më 27 qershor ora 09:45, ndërsa u pezulluan afatet e paraburgimit për të pandehurit.
Ish-deputeti Halit Valteri, që u thirr sot për të dëshmuar, në vitin 2020 ka bërë deklarata dhe publikuar një video nga atentati ndaj ish prokurorit. Në qershor të 2020-ës, një ditë pasi publikoi videon, Halit Valteri dëshmoi për dy orë në SPAK,, duke dhënë informacionet që dispononte për ngjarjen.
"Kam dhënë deponimin tim pranë prokurorit Altin Dumani, presim përfundimin e hetimeve. Nuk na e mbyllën gojën, por do të zbatojmë ligjin. Deklaratat që kam bërë në Kuvend dhe në media i qëndroj, nuk e di nëse do thërritem sërish në SPAK. Duhet të sqaroja të gjitha informacionet që kisha", deklaroi asokohe Valteri.
Kujtojmë që Arjan Ndoja, kandidat i Berishës në Durrës, siguroi votat për të hyrë në shtator në Kuvend.
Atentati ndaj ish-prokurorit Ndoja
Në vitin 2019 një atentat me breshëri automatiku iu bë ndaj ish- prokurorit Arjan Ndoj pranë mbikalimit të Shkozetit. Ngjarja ndodhi më 1 nëntor të vitit 2019 në autostradën Tiranë-Durrës në afërsi të mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit", Aleksandër Laho (alias Pëllumb Muharremi). i njohur si 'Rrumi i Shijakut', dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur.
Lajm ne perditesim...
Komente
