Mbi 45 plumba kallashnikovi janë lëshuar në drejtim të Plarent Dervishaj dhe Julian Meçe, dy anëtarë të bandës së Durrësit, të cilët ishin duke udhëtuar së bashku në një automjet tip “Range Rover”. Sulmi është kryer në befasi, ku mësohet nga burime pranë policisë së Durrësit se Plarent Dervishaj ka marë një plumb në këmbë dhe ndodhet jashtë rrezikut për jetën ndërsa miku i tij Julian Meçe, ka marë tre plumba në trup dhe që prej ditës së djeshme është transportuar në Tiranë, ku po mer mjekim më të specializuar.
Dervishaj dhe Meçe njihet nga policia e Durrësit si persona me precedentë penalë. Gjithmonë sipas policisë autorët kanë ndjekur nga pas makinën ku po udhëtonin dy objektivat e sulmit dhe më pas kanë qëlluar me breshëri automatikku në drejtim të xhamit të parë të makinës, duke e bërë shoshë me plumba. Meçe dhe Dervishaj që ndodheshin në automjet janë shtrirë menjëherë, duke bërë që pjesën më të plumbave të mos i preknin. Dyshohet se njëri nga objektivat e sulmit ka reaguar më armë, por policia nuk ka dhënë detaje se kush nga të plagosurit ka qëlluar.
.jpg)
Plaurent Dervishaj ,të dhënat nga Interpol
Ngjarja e djeshme e ndodhur në 13:20 në afërsi të mbikalimit të Shkozetit në Durrës pritet të sjellë ngjarje të njëpasnjëshme në Durrës, duke hapur serinë e atentateve mafioze në këtë qytet, që muajt e fundit, pas vrasjes së Edison Harizaj, kishte rënë në qetësi. Ndërkohë autorët janë larguar me shpejtësi, duke mos i dhënë kohë policisë që ti arrestojë. Pas ngjarjes policia gjeti të djegur një automjet që dyshohet të jetë përdorur nga autorët e krimit.
Nga pjesa e përparme automjeti me targë “AA 005 MJ” është bërë shoshë nga plumbat në pjesën e xhamit,ndërsa dyshohet se Mecaj e Dervishaj kanë qenë në sediljet e para.Grupi hetimor ka ngritur disa pista hetimi, ndërsa janë sekuestruar edhe disa kamera sigurie, pasi pranë vendit ku iu bë atentati Plarent Dervishatj dhe mikut të tij, Julian Meçajt, ishte një biznes. Pistat ku policia e Durrësit është fokusuar lidhet me fajdet në Durrës, trafikun e drogës dhe hasmëritë e vjetra me një grup në Vlorë dhe Fier. Pritetse me përmirësimin e gjendjes shëndetësore të dy të plagosurve të merret edhe dëshmia e tyre.Nëse ata i kanë parë autorët do të ndihmonte policinë për kapjen e tyre.
.jpg)
Plaurent Dervishaj
Deri më tani policia e Durrësit ka shoqëruar mbi 10 persona si dëshmitar okular por ende nuk ka një të dyshuar për atentatin. Nga ana tjetër gjatë ditës së djeshme, policia ka ngritur disa postblloqe në hyrjet dhe daljet e Durrësit për të bërë të mundur kapjen e autorëve, por pa rezultat. Plarent Dervishaj ka dalë nga arresti ndërkombëtar në vitin 2017 pas vendimit të Gjykatës së Lartë ndërsa prej vitesh ai ka qenë ndër më të kërkuarit në Interpol.
Dervishaj ka qenë i dënuar me “burg përjetë” në mungesë për vrasjen e Marsel Sotiri, Ilir Nelaj, Agim Rexhepi, Dritan Sallaku dhe Dritan Disha, por ky dënim u rrëzua në Gjykatën e Lartë dhe rigjykimi në Apelin e Krimeve të Rënda që i dha atij pafajësi. Gjatë fazës së gjykimit të bandës së Durrësit, Plarent Dervishaj, ka qënë në liri ndërsa sot ka rënë pre e një atentati me armë zjarri duke marrë një plumb në këmbë. Ndërkohë emri i Julian Meçe, përmendet për herë të parë si pjesë e bandës së Durrësit, nga dëshmia e Adriatik Colit.
Komente
Pistat kush i ka gjujt cunave jan 4. Lenti ka probleme me ushqimoren perball se ka mor gjona veresi dhe si ka dhon leket. Ka probleme me komshijen Shpresa se ajo kishe nez pompen ne drek dhe Lenti po flinte. Juli 1 dit perpara kishe bo llafe me cunin e lavazhit se i pati dhen lek llamarine dhe ai i donte letre. Plus ishe zi dhe me katunarin nga xhafzotaj se i kishe cu qumesht me uj. Gjithsesi fjalen per zgjidhjen e problemit ja lejm policis qe po pin birra me qofte ke tymi brrylit. Cunave sherim sa me te shpejt dhe me nga 1 makin te re , po te blindume ksaj radhe.
PërgjigjuJe i modh
hahahahahha sa kam qesh llaf i sigurt je i madh hahahahahahah
Mos u lodhni kot se ja ka bere kunati vet Lul Berisha. Plarenti tani eshte ndare nga motra e Lulit plus qe jane prishur dhe ne shume pazare te perbashketa . Lul Berisha i eleminon gjthmone kundershtaret e tij edhe pse mund ti kete njerez te afert me pare. Mafios i vjeter.
Përgjigjupo pra ashtu eshte dhe ne makine me jul mecen ca flisni budalliqe
ka mundesi te jete kshu. ai nuk behet me as me lulin as me motren e tij