Në Spanjë Atletico Madrid vijon me revulucionin që ka nisur në merkato. Klubi madrilen në orët e pasdites të së mërkurës ka zyrtarizuar mbrojtësin Trrippier, të blerë nga Tottenham për 22 mln euro. 27-vjeçari me ‘colchoneros’ ka firmosur një kontratë 3-vjeçare, ndërkohë që blerja e tij do të thotë se Atletico ka hequr dotë përfundimisht për Hysajn.
Gjithsesi kjo nuk është goditja e fundit që ka bërë klubi madrilen. Sot ata kanë zyrtarizuar edhe zëvendësuesin e Diego Godin të larguar drejt Interit, bëhet fjalë për Mario Hermoso-n. Për futbollistin e Espanyol Atletico nuk ka negociuar, por ka vendosur të paguajë klauzolën e largimit që është 40 mln euro.
Kujtojmë se Atletico Madrid më herët ka mbyllur transferimet e Alvaro Morata, Joao Felix, Hector Herrera, Filipe dhe Marcos Llorente.
Komente
