Sezoni i garave verore ka nisur shumë pozitivisht për Luiza Gegën, kampionen e Europës në garën e 3000 metrave me pengesa në atletikë. Të dielën ajo u rendit e para në mitingun ndërkombëtar të Lukasit, duke rregjistruar kohën 9:15.86. Kjo edhe pse nuk u sforcua shumë pasi janë garat e para të një sezoni të gjatë.
Sakaq të premten në garën e ‘Diamond League’ të mbajtur në Firence të Italisë Gega shënoi një rezultat mahnitës, pasi e ndali kronometrin në kohën 9 minuta, 11 sekonda e 94 të qindtat, duke qenë më pak se 2 sekonda rekordit të saj, që sigurisht është edhe rekord kombëtar. Kjo e bëri Gegën të renditjej e dhjeta, pasi morën pjesë edhe atlete të tjera elitare. Në vend të parë u rendit etiopiania Sembro Almajeu, e ndjekur nga keniania Xhaklinë Çepkoeç dhe etiopiania tjetër, Zerfe Uondemagengn.
Ndërkohë gjatë fundjavës është mbajtur në Elbasan kampionati i 85 kombëtar për të rinj ku morën pjesë rreth 77 atletë, 38 vajza dhe 39 djem. Ndër të tjera u dalluan sportistët Kolindo Kiri në kërcim së gjati dhe Redia Dauti në atletikë. Kiri është sportist i ekipit të Vllaznisë, ndërsa Dauti pjesë e Tiranës.
Për të rinjtë fitues përveç medaljeve pati edhe një shpërblim monetar prej 20 mijë lekësh, për ti motivuar në të ardhmen. Këto gara u ndoqën si nga presidenti i ri i federatës shqiptare të Atletikës Taulant Stërmasi, por edhe kreu i KOKSH-it Fidel Ylli.
Komente
Filluan perseri genjeshtrat "ruli,smajlaj".Gega ne diamond lige Rome /Firence para 2 ditesh doli e 10ta me rezultat 9:11.94 dhe jo e katra sic po shkruani ketu.
Përgjigju