Atletiko Madrid-Marseille është finalja e Europa League për këtë edicion. Spanjollët arritën që të kalonin Arsenalin në gjysmëfinale duke e mundur në shtëpi 1-0. Ndeshja e parë përfundoi në barazim 1-1, ndërsa në të dytën në Madrid, Atletikos i mjaftoi një gol i Costës për ta dërguar në finale.
Marseille e siguroi finalen vetëm pas kohës shtesë përballë Salzburg. Koha e rregullt u mbyll 2-0 për Salzburg duke e dërguar ndeshjen në shtesë, pasi Marseille kishte arritur në ndeshjen e parë fitore në të njëjtat shifra. Në shtesë, pesë minuta para fundit mbrojtësi brazilian Rolando shënoi golin që dërgoi Marseille në finalen e madhe të Lionit.
Komento