UNESCO sapo ka prezantuar Muzeun Virtual të Objekteve Kulturore të Vjedhura dhe të Trafikuara.
Ky është një hap historik për të luftuar tregtinë e paligjshme të pasurisë kulturore botërore.
Kjo platformë dixhitale vizionare shërben si një arkiv i gjallë, i dedikuar për të rindërlidhur komunitetet me trashëgiminë e tyre të vjedhur apo te humbur si dhe për të rritur vemendjen globale mbi vjedhjet dhe grabitjet e pa ligjshme kulturore si dhe për të nxitur përpjekjet për kthimin e objekteve të vjedhura ne vendet e tyre.
Nëpërmjet imazheve me cilësi të lartë dhe të dhënave të verifikuara mbi origjinën e objekteve, Muzeu Virtual nxjerr në pah përgjegjësinë e përbashkët për mbrojtjen e trashëgimisë kulturore të njerëzimit duke siguruar që thesaret e humbura të mos harrohen, por të kujtohen, të rikuperohen dhe të rikthehen në kontekstet e tyre të drejta.
Ky Muze Virtual do ishte një model i shkëlqyer për Ministrinë tonë të Kulturës si dhe për çdo përpjekje në fushën e inovacionit për të krijuar një platforme për të gjitha objektet e Trashegimisë sonë Kulturore që janë vjedhur në vite dhe ndodhen në koleksione private apo Muze botërore të cilat mbajnë pjesë nga Trashëgimia Kulturore Shqiptare.
Duke shpresuar se Ministria e Kultures dhe Qendra ( nëse egziston një e tillë), e teknologjisë tek Piramida do të bashkonin forcat për të krijuar një platforme digitale një Muze Virtual i koleksioneve shqiptare do të ishte një risi në fushën e Trashegimisë sonë Kombëtare.
Komente
Kur vizituam shume vite me pare nje monument kishtar ne jug,prifti na tregoi vendet e ikonostasit ku kishin qene ikona te vjetra me vlere e ishin vjedhur e ne vend te tyre kishin vene kopjet moderne bere me printim.Shqiperia ka plot vepra te vjedhura e te zhdukura ne katrahuren e viteve 90'Duhet qe dhe keto te regjistrohen ne muzeumin e UNESCO-s e jo vetem,duhet dhe ne INTERPOL ne degen qe merret me keto ceshtje.
Përgjigju