AUSTRALI– Petrit Lekaj, babai shqiptar që pranoi se ka vrarë vajzën e tij natën e 24 korrikut ka qenë i dënuar për drogë 20 vite më parë.
Sipas mediave të huaja dënimi i tij është shtyrë nga gjyqtari Trish Kelly deri më 4 shkurt pas kërkesë së avokatit prej gjendjes së rënduar shëndetësore.
49-vjeçari u dërgua në James Nash House, institucioni ku mbahen personat e paraburgosur që vuajnë nga probleme të shëndetit mendor, në Adelaide, ku edhe pranoi më 20 gusht përmes një video-telefonate se e ka vrarë ai vajzën 20-vjeçare.
Sabrina Lekaj u gjet e vdekur në një makinë rreth 250 metra larg nga shtëpia e familjes në Kidman Park, natën e 24 korrikut, bashkë me babain e saj të plagosur në bark, i cili ka tentuar të vrasë veten.
Shkak për vrasjen e saj nga babi dyshohet dalja e saj në një party gjatë orëve të vona të natës.
Edhe pse kanë kaluar disa muaj nuk dihet ende shkaku i vrasjes së vajzës nga i ati, pasi ai është rënduar edhe më shumë psikologjikisht dhe nuk ka qenë i aftë të japë detaje të tjera.
Komente
